NGOSWE SIO DIWANI, USEME KURA KAZIKIMBIA.

Hodi Hodi Uwanjani, Lamax Naingia,

Nimetoka Darasani, Mkononi na wangu Dia,

Nyumbani kwetu Msasani, Mbagala pa Kuzugia,

Ngoswe sio Diwani, Useme Kura Kazikimbia.

Watoto sikilizeni, Vijana nanyi pia,

Shuleni sio Ukweni, Useme Mke Utampitia,

Shuleni sio Ufukweni, Vimini Kutuvalia,

Ngoswe sio Diwani, Useme Kura Kazikimbia..

Notes zisomeni, Review na Google pia,

Uzembe Uacheni, Jengeni yenu Tabia,

Dunia Imesheheni, Vitabu na nyingi Bia,

Ngoswe sio Diwani, Useme Kura Kazikimbia.

Ushauri Nawapeni, Bure bila Kulipia,

Shuleni sio Baani, Mapenzi Kuyazamia,

Maisha hayana Utani, Kufeli Kutawajia,

Ngoswe sio Diwani, Useme Kura Kazikimbia.

Vijiweni Ondokeni, Hukumu Imekaribia,

Rudini Ibadani, Mungu Atawakumbatia,

Shetani yuko Njiani, Viburi Kuwapatia,

Mapenzi Yaacheni, Tamaa ni Dhambi pia,

Ngoswe sio Diwani, Useme Kura Kazikimbia.

Waalimu wako Darasani, Mazuri kukupatia,

Njoo na Yako Wani, Zawadi Kujitwalia

Ngoswe sio Diwani, Useme Kura Kazikimbia.

SHAIRI hili la ‘NGOSWE SIO DIWANI’ limeletwa kwenu na LACKSON TUNGARAZA kwa Udhamini wa LAMAX QUOTES na Kitabu cha ‘SITARUDI NYUMA TENA’

@LACKSONTUNGARAZA