FIKRA POTOFU ZA WATANZANIA WENGI JUU YA UNUNUZI WA VITABU

Mwalimu Emmanuel Makwaya aliwahi kusema ya kwamba, "HUNUNUI KITABU CHANGU KUNIPA MIMI FAIDA, BALI KUUPA UFAHAMU WAKO FAIDA"

Kuna Watanzania Wengi Leo ambao hudhani Kununua Vitabu ni Kuwatajirisha Waandishi wa Vitabu. Utawasikia wakisema, NGOJA TUKUUNGE KWENYE KITABU CHAKO HIKI!

Laiti kama Waandishi wa Vitabu wangekuwa wanaandika kwa Lengo la biashara, wasingekuwa Wanaviuza kwa Gharama ndogo za Tsh. 5000/= au Tsh. 10,000/=

-Waandishi wengi wa Vitabu Wanatoa HUDUMA kwenye Jamii, Sio kufanya BIASHARA.

Ingekuwa ni kwa Lengo la biashara; Vitabu vingekuwa vinauzwa hadi laki nane au Milioni Nne. Kwa Sababu wangekuwa wanakokotoa kwanza FAIDA ambazo Wasomaji wanaenda kuzalisha kupitia hivyo Vitabu - Results produced by the Book Content.

Fikiria! Kuna Waandishi ambao Wameandika VITABU vya Kukuza Biashara, Ufugaji wa Samaki au Sungura... Na kuviuza kwa Gharama ndogo ya Tsh. 10,000/= halafu Wewe Unaenda kuzalisha zaidi ya Milioni kupitia hivyo Vitabu.

Kwa maisha ya Sasa, Tsh. 5000/= au Tsh. 10,000/= inaweza Kununua Nguo Moja au Mbili za ndani kulingana na Jinsia au Mwuzaji, na baada ya Mwezi mmoja Huchakaa sana na kutupwa. Lakini KITABU cha Gharama hiyo hiyo ni HAZINA YA KUDUMU Kwako, kwa Wajukuu na kwa Uzao wako Wote KUTEGEMEANA NA UTUNZAJI WAKO.

□ Kwa hiyo, kuanzia Leo Usinunue Kitabu cha Lackson Tungaraza, Joel Nanauka, Pastor Raphael Lyela, Shemeji Melayeki, na Wengine Wengi kwa dhana ya KUWAUNGA- KUWASAIDIA WAO.

....KUNUNUA KITABU NI KUJISAIDIA WEWE MWENYEWE KABLA YA KUMSAIDIA MWANDISHI HUSIKA.

.... KUNUNUA KITABU NI KUJITAJIRISHA WEWE KWANZA, na Sio KUMTAJIRISHA MWANDISHI.

Acha Fikra Potofu, "Nikinunua Kitabu cha Lackson Tungaraza Nitamtajirisha, na Mimi nitabaki kuwa Maskini."

- Fikra Potofu Ndio Umaskini Wako wa Kwanza, Ukifuatiwa na Hofu ya Mabadiliko na Uthubutu.

TANZANIA BILA FIKRA POTOFU INAWEZEKANA!