"JIFUNZE KWA MWANAMKE MCHAPAKAZI MAZNAT"

Jina lake kamili ni Maza Sinare Mchome. 
 

Alipokuwa anaongea katika Kipindi cha Ndoano ndani ya Wanawake live tv ya JOYCE KIRIA, alisema ya kwamba alipokuwa Mdogo alikuwa anaweka 2000 juu ya meza na kuisemeza ya kwamba hataitumia hadi iwe 4000. 

Pengine ilichangiwa na aina ya wazazi aliokuwa nao, maana walikuwa ni wachapakazi sana. Mamake alikuwa Fashion designer na Fundi Cherehani mzuri, na babaye alikuwa Daktari wa Mifugo.

MAZNAT alisoma sana na kupata vyeti kadhaa vya kiheshima, lakini MWISHO wa siku aliamua kuweka Vyeti pembeni na Kuanza KUJIAJIRI. 

Nilijifunza mambo kadhaa kutoka kwake kama ifuatavyo;

1. MTAZAMO

MAZNAT alikulia maisha ya kuwa na Mtazamo Chanya katika Kila jambo alilokuwa akikutana nalo. Mtazamo huo ulimwezesha Kupiga hatua sana Kimaisha, na Mtazamo huo ulichangiwa pia na aina ya watu waliokuwa wakimzunguka kwanzia kwenye familia yao na kwingine. 

☆Hivyo ni muhimu sana kuwa na MTAZAMO CHANYA. Haijalishi Aina ya FURSA unayopata, pesa unazoingiza, nafasi yako katika Jamii. JAMBO kubwa ni Mtazamo, una Mtazamo gani??

2. DHARAU

Dharau ya jambo lolote ni mbaya. MAZNAT alishawahi kuuza Vocha, Ubuju, Maji, Big G, mitumbe, house Girl n.k. 

#Chochote ambacho hakimkosei Mungu ni vyema kukifanya pasipo kukidharau. Hata kama kinakuingizia Fedha ndogo au kubwa, kiheshimu kabisa. Acha kudharau hicho kidogo unachofanya leo. Wajasiriamali wakubwa unaowaona, nao walikuwa wadogo hapo awali.

Kumbuka MAZNAT alikuwa akiheshimu hata biashara ya Big G, kusaga Unga wa Watoto n.k.

3. UTHAMINI.

MAZNAT alikuwa msomi, lakini hakujali hilo, akaanza kufanya biashara ndogo ndogo kwa kuzithamini sana. MWISHO wa siku zikamtoa Kimaisha.

☆Hivyo ni vyema kuthamini biashara au kazi ufanyayo hata kama hailingani na vyeti vyako au haiendani na Mtazamo wa watu kwako. Kuna walioanza kuuza Vitumbua na sasa ni wamiliki wa Hoteli kubwa, walianza kucheza mpira wa mchangani na sasa wanacheza Ligi kuu TANZANIA bara na wengine wako Ulaya. Kila kitu ni hatua. Nyumba ya ghorofa 30 huanza kwa Tofali moja. Wazungu husema, "ROME WASN'T BUILT IN A SINGLE DAY." Kwahyo THAMINI unachofanya sasa, uwe na UVUMILIVU na IMANI juu ya mambo YATARAJIWAYO bayana na Yale Yasiyoonekana kwa sasa.

KWA upande mwingine, MAZNAT alikulia maisha ya kubanwa sana na WAZAZI wake. Alikuwa hapati MUDA WA kukaa KIHASARA HASARA wakati wa Likizo. Alikuwa anapewa pesa baada ya KUFANYA KAZI KWANZA. Siku moja alifanya kazi vizuri sana na KUPEWA Tsh. 10,000. Akaichukua hiyo Fedha na kuanzisha Home English Tuition Center, akapata wanafunzi kadhaa aliokuwa akiwafundisha Kiingereza hapo kwao. Kwa sasa ni Mfanyabiashara Mkubwa anayemiliki MAZNAT BRIDAL CARE nk

☆Hivyo WAZAZI nao wana NAFASI kubwa sana ya Kuwafanya watoto wao kuwa Wachapakazi na wajasiriamali wakubwa. Waswahili husema,"Mtoto Umleavyo ndivyo Akuavyo, SAMAKI MKUNJE ANGALI MBICHI" na Wazungu husema, "CHARITY BEGINS AT HOME"

KWA yote hayo niliyoandika hapa, MAZNAT ni mfano mzuri sana wa wanawake wa kuigwa katika Jamii. Ni mfano mzuri kwa MABINTI na wamama ambao wanajiona Hawafai au Hawawezi kufanya mambo makubwa katika Jamii zao. Pia ni mfano kwa VIJANA ambao walidhani ya kwamba Wanawake wote ni Wadhaifu kikazi nk.

Aliyeandika haya ni Lackson Tungaraza

Facebook! fb.com/ltungaraza

WhatsApp!0764793105

( https://lacksontungaraza.blogspot.com )

☆NI WAKATI WA KUACHA LAWAMA NA KUPIGA KAZI. HUU NI MSIMU WA 'HAPA KAZI TU'

Watumie na wenzako Wajifunze pia.