MAISHA NI KUFANYA UAMUZI SAHIHI NA KUUFUATA

Palikuwa na familia iliyokuwa na binti mrembo ambaye alikuwa bado hajaolewa na makazi yao yalikuwa mlimani, nje ya mji. Vijana wengi walitamani sana kumwoa huyo binti, hivyo wazazi wa binti wakatangaza ya kwamba mtu atakayeweza kufika huko kilimani basi atapata nafasi ya kumwoa binti yao.

Kijana mmoja akajitolea na kuanza safari ya kuelekea huko mlimani, akiwa njiani alikutana na mzee mmoja aliyemjulisha ya kwamba haimpasi kuendelea na safari yake kwani njia siyo salama… mbele kuna sauti nyingi za watu za kutisha, zikisema *Huyooo, huyoooo, huyooo* kama mtu anayezomewa na kadri unavyozidi kusogelea kilima ndivyo na kelele hizo huongezeka, kiasi cha kusema *mkamate huyo tumwue, awe kitoweo leo* lakini usitazame nyuma wala pembeni hata kama ukisikia hiyo sauti ikisema karibu nawe maana utakuwa Jiwe papo hapo.

Kijana akaondoka na kujisemea ya kwamba hiyo ni kazi ndogo kwake. Alipofika mbele ya safari, kadri alivyosogelea kilima hicho na ndivyo sauti za kumkamata na kumwua zilivyoongezeka… uvumilivu ukamshinda na akaamua kuangalia ni nini, hapo hapo akawa Jiwe kama yule mzee alivyomwambia.

Vijana wa aina mbali mbali walijaribu na wote wakawa mawe… mlima ulijaa mawe mengi yaliyokuwa watu. Kijana mmoja mdogo mdogo tu naye akajitolea kwenda. Yule mzee alivyomwona alimhurumia sana na kumwambia arudi tu nyumbani kwao maana yeye bado ni mdogo sana, isitoshe watu wengi washakuwa Mawe kwa sababu ya kuangalia pembeni na nyuma waliposikia sauti za kuzomewa na kuuawa. Kijana hakujali hilo, akaanza safari hiyo na kuelekea mlimani. Njiani aliyaona Mawe hayo, akasikia sauti nyingi nyuma na pembeni zikisema “huyooo, huyooo, mkamate.” Hakujali, akaendelea na safari. Alipokaribia kufika akasikia wakisema “mkamate huyo huyo tumchinje n.k.”

Kijana akaweza kufika licha ya vitisho hivyo vyote… akamwoa yule binti mrembo. Dawa ikatafutwa na yule binti, na wale waliogeuka mawe wakabadilishwa na kuwa watu tena.

Nini unajifunza hapa….

Katika maisha utakutana na kila aina ya maneno na matendo, pale utakapokuwa ukitaka kufanya jambo kubwa la kimaendeleo. Utazomeewa, utatishwa, utaogopeshwa, Utaambiwa ya kwamba hutoweza kwa sababu wengi washajaribu na kushindwa, utasengenywa, kutemewa mate, kukataliwa n.k… Uamuzi ni wako, uendelee mbele kama huyo Kijana aliyeamua kutokuangalia pembeni wala nyuma na kumwoa binti mrembo, au uwatazame na kuwa Jiwe {mtu asiye na mafanikio, wa hali ya chini, wa kawaida sana}.

Nabii Musa aliamua kutoka katika nyumba ya Farao, ya kifalme licha ya maisha mazuri aliyopewa na kufundishwa hekima yote ya Wamisri. Najua yalisemwa mengi, lakini hakujali hayo… Leo ni mmoja wa Manabii wakubwa katika historia ambao walikuwa mashujaa kweli kweli.

Mwanamke yule aliyetokwa na damu kwa muda wa miaka 12, kuangaika kwa mikono ya matabibu wengi na asipate tiba. Hakujali ya kwamba watu watasema, watamwonaje, watamchukuliaje… Alipenya kati ya umati wa watu wengi na kugusa Pindo la vazi la Yesu Kristo na mara hiyo hiyo damu yake ikakoma na kuwa mzima kabisa. Be concentrated, and let no one pull you out of the way to prosperity.

Soma: NJIA ZA KUJENGA KUJIAMINI NDANI YAKO

“When you’re in the light everything follows you, when you enter into the darkness, even your own shadow doesn’t follow you” –Adolf Hitler.

God knows you well, and He loves you automatically. Worship, trust and follow Him completely, and your life will no longer be the same forever.

Unaweza pia kunipata katika maeneo yafuatayo kwa ukaribu;

Facebook: www.facebook.com/ltungaraza

Youtube: www.youtube.com/c/LacksonTungaraza

Google Plus: www.google.com/+LacksonTungaraza

Twitter: @lacksonthecoach

Instagram: LACKSONTUNGARAZA

WhatsApp/sms: 0764793105

Email: lacksontungaraza@gmail.com

TWENTY YEARS TO COME BEGINS TODAY, MAKE EVERY MINUTE COUNTABLE. WASTE NOT YOUR TIME