MAONGEZI YENYE MAANA NI YAPI HAYO... Tungaraza na Kijana Joseph katika Mjadala.

Kila mara watu tunajikuta tupo au tunaingia wenyewe katika Mazungumzo, na hayo mazungumzo yanaweza yakawa yenye kuleta Matokeo chanya au hasi. Hivyo uhalali wa matokeo ya mazungumzo unategemeana na wahusika binafsi.

Leo katika harakati zangu za kila siku kama Mungu anavyonijalia, nimeweza kupata nafasi ya kuhojiana na Kijana mmoja[Joseph Fande] aliyenitumia Meseji asubuhi kabisa na nilivyotoka Ibadani maongezi yakawa kama ifuatavyo;

Joseph Fande: Kaka naomba kujiunga na kundi lako naitwa Joseph Fande nina miaka 21 natokea Dodoma, nahitaji kufanya biashara ila Mtaji sina, nifanyeje nipo tayari kufanya utakachonielekeza na kukitekeleza mara moja, nisaidie Lackson Tungaraza.

Lackson Tungaraza: Mimi Lackson Tungaraza.. Namba yako ya wasap ni ipi?

Joseph: simu yangu haina Whatsapp, ina facebook tu

Lackson: si umesema nikuunge kwenye kundi langu au..

Joseph: Yaani nahitaji kitu ulichokizungumzia kuhusu Niwe na Pesa

Lackson: Uko sehemu gani?

Joseph: Dodoma, wilaya Kongwa, kijiji Ibwaga

Lackson: unajishughulisha na nini ndugu…

Joseph: Ni mkulima na ila kipindi cha kiangazi nafanya kazi ya udalali, mtu anaweza akanipa ela yake nimnunulie mazao

Lackson: unafamilia au… yaani unamke na watoto..

Joseph: Ee lakini siishi nae

Lackson: kupitia haya maswali nitapata kukushauri.. usishangae

Joseph: Aya

Lackson: Pesa ambazo huwa unapata kama faida umezifanyia kitu gani hadi sasa..

Joseph: Huwa nanunua kuku wa kufuga

Lackson: umeshawafuga wengi..

Joseph: Aa so wengi sana

Lackson: chagua kufuga kwa biashara au chakula

Joseph: kwa biashara

Lackson: katika maisha ili ufanikiwe, inabidi uchague jambo moja ambalo ndilo utaliwekea nguvu kubwa, ndipo mengine madogo madogo baadae

Joseph: sawa

Lackson: Barhesa anavitega uchumi vingi lakini anasifika kwa kupitia AZAM COMPANY kwasababu ndipo nguvu yake kubwa alipoielekeza.

Lackson: Baada ya kuona Kampuni ni kubwa, akafungua na mifereji mingine ya pesa ya kuendelea kuhudumia kiwanda chake

Lackson: Ni jambo gani/kipaji gani ambacho unajivunia kuwanacho au jambo gani ambalo unapenda kulifanya kutoka moyoni na kila mara unapata hamasa ya kulifanya hata kama wengine hawalithamini kwa sasa? [hata wewe msomaji, unaweza kujiuliza hili swali]

Joseph: Yaani jambo nililopanga kulifanya katika maisha yangu niwe na Duka na Mashamba

Lackson: Ndilo jambo linalokuangaisha moyoni usiku na mchana ya kwamba ni wewe ndiwe uwezayekulifanya vizuri zaidi ya wengine?[Fikiria na wewe msomaji]

Joseph: Maana jambo lenyewe niliwahi kulifanya kwahiyo ndo maana nataka sana kufanya

Lackson: Ikiwa ndilo unalopenda kufanya kuanzia moyoni, utafanikiwa kwa hakika. Upendo unanguvu kubwa kuliko tamaa. Baada ya kuwa umepata jambo ambalo unahitaji kulifanya ili kubadilisha historia ya maisha yako.. Weka malengo, baada ya muda Fulani unataka uwe umefika katika viwango gani. Malengo ya mwaka, miezi, mwezi, wiki hadi siku na masaa. Kila siku unafanya jambo ambalo linakupa nafasi ya kusogelea Malengo yako ndani ya Ndoto uliyonayo.

Think Big, start small… Fikiri kwa mapana, kubali kuanza kidogo. Mbuyu ulianza kama mchicha, mbegu ya haradali ni ndogo kuliko zote lakini hukua na kuwa mmea mkubwa kuliko mingine.

Joseph: Aha unaushauri mzuri kaka, ntaufanyia kazi

Lackson: Amini pande mbili katika maisha… Moja ni MUNGU pekee na wa Pili ni wewe pekee. Wanadamu wanaweza badilika lakini Mungu habadiliki, wanaweza kukuhukumu kwa vile hawajui unapotaka kufika, na hata kukutenga… Mungu yupo nawe, labda umwache wewe.

Jitahidi kuwa Mwaminifu sana kwa wale wote unaowahudumia… Mteja mmoja, huleta wateja wengine. Watu waaminifu ni adimu karne hii, ukiwa hivyo utawavuta wengi kuja kufanya kazi nawe… hata mimi napenda kufanya kazi na waaminifu.

Mafanikio yanagharama yake… Muda, Maarifa na Pesa. Tumia Muda wako katika kufanya mambo yanayoendana na Ndoto yako hiyo, tafuta Maarifa ya kuifanya Ndoto yako iwe na nguvu kama kusoma vitabu sahihi na kuhudhuria Semina mbali mbali, na Pesa kuihudumia Ndoto yako.

Joseph: Nakushukuru sana kaka yangu kwa ushauri wako

Lackson: Swali uliza

Joseph: Mpaka hapa sina la kukuuliza kaka ahsante

Lackson: Kuwa na Nidhamu ya Pesa… Usitumie fedha katika mambo yasiyo ya lazima kama ulevi, kuonga, starehe n.k..Pesa unayopata ya faida, iweke kwenye Duka na Mashamba kama ulivyosema unataka uwenavyo. Amini unaweza, amini utafika siku moja kwa kuendelea kufanya kuanzia sasa

Joseph: Mungu akubariki.

Hayo ni mazungumzo kati yangu na Kijana Joseph Fande, ili upate kuelewa vyema hili somo ni kujichukulia ya kwamba wewe ndiwe Joseph Fande na maswali niliyomuuliza huyajibu wewe.

Ikiwa unajambo lolote la kunishirikisha, karibu sana mlango uko wazi siku zote.

WhatsApp: 0764793105

Facebook: www.facebook.com/ltungaraza [Niunge niwe rafiki yako, uzidi kupata masomo haya kwa ukaribu zaidi]. Ahsante sana na uwe na baraka za Mungu milele.

Baada ya Screenshots za Mazungumzo yetu;