UNAKIMBIA KWA STAILI GANI?

Moja ya tafsiri za Maisha nilizowahi kuzisoma na kuzisikia ni kwamba Maisha ni Mbio. Cha kujiuliza, “Unakimbizana na nani?” Nimegundua ya kwamba Maisha ni Mbio ambayo Mshindani ni wewe mwenyewe… unajipulizia mwenyewe kipenga/firimbi na kuanza kukimbia kwa kushindana na wewe mwenyewe. Mtu atajiuliza, “ninawezaje kujikimbiza mwenyewe au kushindana na mimi huyo huyo ninayekimbia!!?” Nami nikuulize Swali jepesi, “Ukiwa peku na ukawa unachomwa na misumari, utafanya nini?” Najua ya kwamba utatafuta suluhisho la tatizo hilo, unaweza ondoka hilo eneo au ukanunua viatu ambalo ndiyo linaweza kuwa suluhisho bora kuliko la kuondoka eneo hilo kwa sababu unaweza kukutana na tatizo hilo hilo katika eneo jingine.

KIMBIA... USICHOKE... USITAZAME NYUMA...

Maisha ni Mbio, Mshindani ni wewe mwenyewe… shindana na huyo unayemwona katika kioo unapojitazama. Kama yeye hajavaa tai mwambie ya kwamba wewe unaenda kuvaa tai, kama yeye ni mpenda starehe mwambie ya kwamba wewe unaacha starehe za hovyo hovyo na kutumia hiyo pesa katika uwekezaji kwenye vitega uchumi mbali mbali… tamani kuwa zaidi ya huyo unayemwona katika Kioo unapojitazama.

Nimefatilia kwa kiasi Fulani juu ya mashindano ya mbio alimarufu kama Marathon Race. Nimegundua ya kwamba wanapoanza kukimbia huwa hawatazami ni nani anayekuja nyuma yao, bali ni nani aliyeko mbele yao pamoja na mstari wa kumalizia mbio (Finishng Line).

Nilipokuwa katika shule ya msingi, nilikuwa nikishuhudia rafiki zangu wengi wakianguka katika Mbio na kuumia kwa sababu Ya kuangalia nyuma kuona wanaowakaribia. Binadamu unapokimbia, ni tofauti na gari… gari linavioo vya kumwezesha dereva aone anayemfuata kwa nyuma. Binadamu unapoacha kutazama aliyepo mbele yako  na Finishing Line na kuanza kutazama nyuma, utapoteza dira ya mbele na kuanguka ama kupoteza katika huo mchezo.

Nimekuandikia haya siku hii ya leo kwasababu mimi binafsi Lackson Tungaraza nimeona madhara yake. Watu wanaacha kutia bidii katika maisha yao na kuanza kuangalia yaw engine ya kwamba ni bora kuliko ya kwao.

Ngugu yangu, jifunze leo kuachilia yale uliyoyapitia katika Maisha na kutia juhudi katika yale yanayokuja mbeleni. Usimalize muda wako mwingi unawaza juu ya hasara ya mwaka uliyopita katika biashara, juu ya mchumba aliyekudanganya, juu ya magonjwa yaliyokupata, juu ya masomo uliyofeli mwezi uliyopita, juu ya watu wanaokusema kwa ubaya… huo muda utumie katika maandalizi ya vita inayokuja mbele yako, yaliyopita yawe ni silaha ya kushinda yale yajayo.

Washinde wale waliyoko mbele yako wanaokuzuia kufikia Finishing Line na kuwa wa kwanza katika Mbio… wale wanaokukatisha tamaa na kukwambia ya kwamba hautofanikiwa kwa sababu wengi wameshajaribu na kushindwa, wale wanaokwambia ya kwamba ule Ujana maisha yapo tu, wale wanaokwambia kuwa na wapenzi wengi na kufanya Uasherati/Uzinzi ndiyo ujanja… Refuse to be part of destruction, but part of construction.

Usisubiri hadi mtu akupigie firimbi ndipo ukimbie, puliza wewe mwenyewe kuania sasa. Maisha ni wewe, siyo yeye au wao au sisi.. ndiyo maana Mungu anamtafuta mtu wa kuitenda kazi yake na siyo watu. Be Responsible for your future, Be Responsible for the Race.

Wasambazie na rafiki zako ujumbe huu WhatsApp, Facebook, Twiiter na katika mitandao mbali mbali ya kijamii ili nao waweze kuwa sambamba na maisha…. Karibu pia katika kundi langu la Whatsapp [0764793105]. Uwe na wakati mwema, tukutane tena katika mada nyingine….toa maoni yako kwa mada yoyote ile ambayo unatamani niigusie zaidi ambayo nimekwisha kuifundisha lakini haikuelewa au bado sijaifundisha na unaipenda, karibu sana usisite kwasababu ndiyo mwanzo wa Kukimbia kwa Staili nzuri.